الهوى غلابــــ

ياروحي طالت المدة وعلمي بالهوى غـلاب
---------- ضناني الشوق في بعدك ولاادري كيـف اداريهـا
كساني همي بغيبك يجي فـرد ويجـي احـزاب
---------- وانا في حالـةٍ صعبـة عجـزت انـي اجاريــــــــهـا
تمنيـت الوفـاة الـي بتدفنـي ثـرا وتــراب
---------- ولا انـي اجـي دنـيــــــــا ولا ادري بـــــأراضيـهـا
غيابك يحرق اعصابي هذاك ان عاد بي اعصـاب
---------- ووالله ضيّع علومـــــي هـوى الذكـرى وطــاريهـا
ارخي من وداعك جفن يسهـر بالدمـع اهـداب
---------- يمسّــــح هالدمـع كفـي يعـــــــود يهــــــــل صافيهـا
اهاب الليل فـي بعـدك انـا والله بديـت اهـاب
---------- اهاب ضنون في بعــــــدك ولاادري كيـف اداريهـا
غريقة بالحزن ساعـة ولحظـة امتلـيّ عتـاب
---------- دقيقـة حاجتـي تكبـر هـــــــمومـي غارقـة فـــــــيهـا
ترا ساكنـ على جـرحٍ قديـمٍ في حشـاي اتعـاب
---------- توطن اضلعي بيــــــتك وعـذب الشـــــــوق يبريهـا
سبب جرحي من طعون الصداقة من يدين اصحاب
---------- سقوني السم في كــــــاس المحبة الي سقـــــــوا فيهـا
لقيتك بلسم لجرحـي ولـو انـه بعـد ماطـاب
---------- سكنت الروح في غفله وصــــــــــرت اليـوم غاليهـا
لو ان القلوب تشير على شان الغلا ينصاب
---------- ماكان الهوى ضــــــاعك وروحي ماخــــــــطا فيها
ولو كان الهوى يطلب من العاشق يدك رقاب
---------- لادك رقاب عـــــــذالي عشان اكــــــسب هقاويــــها
اذا من جارحك قوله فأنا جرحـي لـه بمخـلاب
---------- اراويـه القـدر وشهــــــــو حقيـر بعيــــــــن ساعيهـا
عشان تشوف هالعالم من الصادق من الكذاب
---------- وراسك فـوق هامـــــــات علـت عنــــــــــدي مبانيهـا
ولا يسوى احـد غيـرك بعـادٍ كـان ولا قـراب
---------- ولا يسوى احد شــــــــعره براسك" مـن يســــاويهـا
ان لـك يابعـد روحـي وياقلبـي بعطفـك ذاب
---------- عبـــــــيرك دايـم بجنـبـك دخـــــــيـلـك لاتخليــــــــهـا
صحيح الحب في نظرة وبعده يستلذ اعجـاب
---------- ولكن صار فـي قلبـــــــي حكايـة دايــــــــــم احكيهـا
انا احبك وابي قربك واعزك لاتقول اسـبـاب
---------- وروحي باتت بروحك ولااســــــــــال كيـف تأويهـا
ولا قد شاب ياعمري علاقتنا خطاٍ تنعـاب
---------- عفـــــــيـفٍ حبنـا يكبـر ولا بــــــــــه ذنـب يخطـــيهـا
واذا به شي مستنكر اجي مـن قلبـي الترحـاب
---------- اوضح مايــــــبي توضيح واملي هالبــــــــشـر فيــهـا
مادام انك تبي قربي فثق فينـي بـدون حسـاب
---------- واتفاخـر بحــــــبـي لـك مثـل ماانـــــــــا اسويــــــــهـا
"غلاي بقلبها يكبر وفي قلبـي الهـوى غـلاب"
---------- ونا احــــــــبك وقلبـي لـك وروحـي ســــاكـنٍ فيهــــــا