نفذ صبـري ..

.

تحايلني ظروف الوقت في صبر" بدا ينفد
لكن فيك اتصبر واداري خاطر" مغليك
تعذبني واتــــحمل وحيلي من عذابك هد
وحشمة خاطرك زادت ولا اقــوى ابد اشكيك
لكن فاض بي كيلي..وانا منك وصلت الحد
وياك استحال اصبر ترا ما فيك مايخطيك
تذل بعزتي وضعفي عشانك صار يتكبد
عنا الذل المرير الي انا ذقته على يديــــــك
انا من زود حبي لك عتابي واجب ولا بد
ولااقوى اشوف اكثر تراني مااتحمل فيــــك
تقرب مني وتبعد..ترد تحبني وتصـــــد
وانا في كل حالاتي اكون بدنيتي اشريــــك
وترخصني بعد عشقي وتنسى كل عهود الود
وتقفيبي كذا تبعد وتحرمني بعد لااجيـــك
فديتَك راحتي وعمري ومنك ماوصلني الرد
سوى انك تخليني بهون يهون قلبي عليك
بعد ماكانت العزة تنبت في طريقي ورد
قبل ماينحني راسي وارخص خطوتي واجيك
يجي قلبك يلوعني حسيبك خالقك وتصد
قلبت الحال من عالي لواطي الله يجازيـــــــــك
انا حرة ولي اسمي وافخر بالحسب والجد
لابه اسمه فخري ولا اقوله قصورا فيك
امي همها اتدلل ودمعي مايزور الخــــــد
وربعي همهم اسعد على هذا انا ابديـــــك
حبيتك وعزيتك واغليتك وانت الضـــــد
انا بالله ليه اصبر وكيف اتحمل واجفــيك
بعد ماطالت المده تجي تحمل علوم السعد
تبي افرح واتهلل وابارك لك عشان ارضيك
حدك كافي اتحمل حيلي منك والله انهد
وصلت لمرحلة واجب ابين لك عشان ارضيك
وابارك لك وادعيلك عسى الله يوفقك لابـــد
وباخنق عبرتي وارحل..لكن بس عشان اغليك