راحت أيامك ..

.

حسافة راحت ايامك عرفت ان الهوا قتـال
------------- تصبرت الهوان الي لعب في قلبي الهـاوي
رخصت الروح في حبك وغنيت العنا مـوال
------------- تجرعت الالم يومي حسبت انك لي مـداوي
كبر في داخلي ودك صغر في نظرتي هالحال
------------- انا بالله ليه اصبر على قلب شبــــــه خـاوي
اجي كلي خضوع لك وانت بجيتـي تختـال
------------- انا مااحتمل غيبك وانتـه عالهجــــــر نـاوي
تفننت بعذابي فيك كافي ملاعـب الاطفـال
------------- ترا ماني قليلة حيل قلبي عالهجــــــر قـاوي
ترا الايـام دوارة ووالله هالزمـان احـوال
------------- يجيلك يوم تتندم ولاانتـه للزمــــــــن طـاوي
انا والله مو قلٍ بقدري يـوم اجـي بهبـال
------------- لكني عشقتك حيل وقلبـك للعـب غــــــــاوي
تنكرت لقناعاتي عشان ارضيـك يالمحتـال
------------- تنازلت لكثير اشيا ولابـك شـيٍ يســـــــاوي
ولو طالت سنين العمر يبقى صادق اللي قال
------------- يبقى الطيب للاخر وســـوءك مالـه رجـاوي
انـا والله مرتاحـه انـام وراحتـي للبـال
------------- وانا اراهن على انك تنـــــــام لهمـك مخـاوي
تبي ترتاح ترجعلي؟ شوية لانطقت محـال
------------- نجوم الكون ادنالك وضيٍ للعمـى ضــــــاوي
تذكر وش كثر اغليك شديدة حالتي بوصال
------------- كثر ذاك الغلا عفــــــتك بيتك بالحشـا خـاوي